سندھ ہائیکورٹ کے آئینی بینچ نے محکمہ صحت کے ڈاکٹر عابد کو عہدے پر ترقی نہ دینے کیخلاف درخواست پر سیکریٹری سروس کو ذاتی حیثیت میں طلب کرلیا۔ ہائیکورٹ کے آئینی بینچ کے روبرو محکمہ صحت کے ڈاکٹر عابد کو عہدے پر ترقی نہ دینے کیخلاف درخواست کی سماعت ہوئی۔ درخواستگزار کے وکیل اسد اللہ بلو ایڈووکیٹ نے موقف دیا کہ عدالت نے ڈاکٹر عابد کو 2022 میں پروموٹ کرنے کا حکم دیا تھا۔ عدالت نے حکم دیا کہ قانون کے مطابق درخواستگزار کو گریڈ 19 سے 20 میں ترقی دی جائے۔ لیکن تاحال عدالتی حکم پر عملدرآمد نہیں کیا گیا۔ صوبائی سلیکشن کمیٹی کے روبرو بار بار سفارشات رکھی گئیں۔ دونوں بار پروموشن سفارشات رد کردی گئیں۔ عدالت نے درخواست پر سیکریٹری سروس کو ذاتی حیثیت میں طلب کرلیا۔ عدالت نے آئندہ پر سیکریٹری کو پیش ہوکر وضاحت دینے کا حکم دیتے ہوئے سماعت 30 اپریل تک ملتوی کردی۔
Load/Hide Comments
