انسداد دہشتگردی کی خصوصی عدالت نے سانحہ 9 مئی، شاہ فیصل کالونی میں ہنگامہ آرائی کے مقدمے میں مفرور ملزم کی گرفتاری کے بعد ملزمان پر ضمنی فرد جرم عائد کردی، ملزمان کے صحت جرم سے انکار پر استغاثہ کے گواہان طلب جرلیئے گئے۔ کراچی سینٹرل جیل انسداد دہشگردی کمپلیکس میں خصوصی عدالت کے روبرو سانحہ 9 مئی، شاہ فیصل کالونی میں ہنگامہ آرائی کے مقدمے کی سماعت ہوئی۔ تحریک انصاف کے رہنما فہیم خان، راجہ اظہر ودیگر عدالت میں پیش ہوئے۔ عدالت نے مفرور ملزم رضوان کی گرفتاری کے بعد ملزمان پر ضمنی فرد جرم عائد کردی۔ ملزمان کے صحت جرم سے انکار پر عدالت نے استغاثہ کے گواہان طلب کرلتے ہوئے سماعت 11 مئی تک ملتوی کردی۔
Load/Hide Comments
