انسداد دہشتگردی کی خصوصی عدالت نے رینجرز ڈی ایس آر محمد حنیف قتل کیس میں لیاری گینگ کے محمد سلام عرف ملا نثار کو عدم شواہد پر بری کردیا۔ کراچی سینٹرل جیل انسداد دہشتگردی کمپلیکس میم خصوصی عدالت نے رینجرز ڈی ایس آر محمد حنیف قتل کیس کا فیصلہ سنادیا۔ عدالت نے لیاری گینگ کے محمد سلام عرف ملا نثار کو عدم شواہد پر بری کردیا۔ عدالت نےجیل حکام کو حکم دیا کہ ملزم کسی اور مقدمے میں ملوث نہیں تو رہا کیا جائے۔ وکیل صفائی عابد زمان ایڈووکیٹ نے موقف دیا کہ میرے موکل محمد سلام عرف ملا نثار کیخلاف پیش کردہ شواہد ناکافی ہے۔ 2 ڈی ایس آرز نے شناخت تو کیا ہے، لیکن 161 کے بیان میں ملا نثار کے کردار کی وضاحت نہیں کی گئی۔ سرکاری وکیل میرے موکل کیخلاف ٹھوس شواہد پیش کرنے سے قاصر رہے۔ استغاثہ کے مطابق رینجرز نے 2013 میں محمد سلام عرف ملا نثار کے اڈے پر چھاپہ مارا تھا۔ چھاپے دوران فائرنگ کا تبادلہ ہوا۔ فائرنگ کے نتیجے میں ڈی ایس آر محمد حنیف، خاتون شانتی اور عرفان جاں بحق ہوئے تھے۔ مقدمے میں محمد اطہر کو سزائے موت کا حکم دیا گیا تھا۔ پولیس کے مطابق ملزمان کیخلاف مقدمہ سپر مارکیٹ تھانے میں درج کیا گیا تھا۔
Load/Hide Comments
